ஓரிழப்பைப் பெற்ற வீடு
பாவம்....!
சேகரமாயிருந்த ரோஜாக்களெல்லாம்
நுகர மறுத்து
சாலைக்குத் தள்ளப்படும் வாசல்கொண்டவீடு
பாவம்....
சவம் கிடத்தப்பட்டத் தரையை
எந்தச் சலனமுமின்றி
இரத்தச்சம்பந்தமில்லா மூதாட்டி
ஒருத்தித் துடைத்தல் கொண்ட வீடு
பாவம்....!
எல்லாம் முடிந்த பின்னும்
ஒருவரைத் தவிர-
எப்போதும் போல்
எல்லோரும் ஆகும் வரை
அவ்வீடு பாவம்...!
கருத்துகள்
கருத்துரையிடுக