அது ஒரு பேருந்துபயணம். அடுத்த இருக்கையில் அமர்ந்தவர் விற்பனைத்துறையில் மேலாளராயிருக்க வேண்டும்.

யாருக்கோ அலைபேசியில் தொடர்புகொள்கிறார். வண்டி வந்துவிட்டதா எனக்கேட்கிறார். இல்லை என பதில் வந்திருக்க வேண்டும். தான் விசாரித்துவிட்டு அழைப்பதாக அழைப்பைத் துண்டிக்கிறார். அலைபேசியில் மற்றொரு எண்ணைத் தேடித் துழாவி அழைக்கிறார். வண்டியின் ஓட்டுனரின் அலைபேசி எண்ணைக் கேட்கிறார். அந்த முனையில் எண் குறுஞ்செய்தியாக அனுப்புவதாகச் சொல்லியிரருக்கவேண்டும். அந்த அழைப்பைத் துண்டிப்பதற்குள் முதலாவதாக அவர் அழைத்த அனேகமாக அவர் வாடிக்கையாளராக இருத்தல் வேண்டும் அங்கிருந்து மறுபடியும் அழைப்பு வருகிறது. ஓட்டுனரின் எண்ணைக் கேட்டிருப்பதாகவும் பேசிவிட்டு அழைப்பதாகவும் துண்டித்துவிட்டு அலைபேசியையே பார்க்கிறார். அதற்குள் ஓர் அழைப்பு வருகிறது, மிகவும் சாந்தமாக பேச ஆரம்பிக்கிறார். வந்துகொண்டிருப்பதாகவும் இரவு உணவுக்காக காத்திருக்காதே சாப்பிட்டு விடு எனச் சொல்லிவிட்டு பாப்பா சாப்பிட்டாளா எனக் கேட்கும் தருவாயில் தொடர்பு எல்லைக்கு வௌியில் இவர் வந்திருக்கவேண்டும் ஏனென்றால் அந்தக் கேள்வியை இரண்டுமுறை கேட்டார். 
இப்பொழுது அலைபேசி அழைக்கிறது, எடுத்துப் பேச ஆரம்பிக்கிறார். அது அவரது வாடிக்கையாளர். பதில் அளித்துக்கொண்டே கன்னத்தில் ஒட்டியிருந்த அலைபேசியை நேராக பார்க்கிறார். 
அனேகமாக அது அவரது மனைவியின் காத்திருக்கும் அழைப்பாயிருக்கும். அவரது அன்புக்குழந்தை சாப்பிட்டாளா எனத்தெரிந்துகொள்ள அவர் பத்துகிலோ மீட்டர் நகர்ந்திருந்தார்.

சிலருக்கு பூமி சுழல்கிறது. சிலரை பூமி சுழற்றுகிறது.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

A separation ஈரானிய மொழி திரைப்படம்

A  Separation ஈரானிய மொழி திரைப்படத்தை முன்வைத்து. பொதுவாக வளரக் கூடிய நாடுகளில் மனிதனின் வாழ்வியல் என்பது அங்கு நிலவக்கூடிய பொருளாதார நிலைமைகளை வைத்து என்ற படியே இருந்தாலும் ஒவ்வொரு தனிமனிதனுக்கும் ஏற்ற படி பல காரணிகள் இருக்கின்றன. வேலை பார்க்கும் சூழல் நிமித்தமாக புலம் பெயர்தல் என்பது நாம் கேள்விப்பட்டதுண்டு.   மிகவும் பிற்போக்கான கருத்துகளைப் பின்பற்றும் தேசங்களில் கூட கல்விக்காகவோ, பொருளாதாரத்திற்காகவோ புலம் பெயர்தல் அவசியப்படுகிறது. ஆனால் தனிமனிதன் ஓர் இடத்தில் தன்னைத் தகவமைத்துக்கொள்ள பல காரணிகளைத் தின்று செரிக்கிறான். சிலர் அதைத் தியாகம் என்று அழைக்கிறார்கள். ஈரானிய மொழி திரைப்படமான 'A Separation" கூட அப்படியானச் சில அளவைகளை முன் வைத்து ஒரு குடும்பத்திற்குள் நிகழும் நிகழ்வுகளைச் சொல்கிறது. 11 வயது ஆகும் மகளிற்கு நல்ல கல்வி கொடுக்க வேறு இடம் செல்ல வேண்டும் என்பது குடும்பத்தலைவியின் ஆசை. இந்த ஊரில் அவளுக்கு நல்ல கல்வி கிடைக்காது என்பதை விட இங்கு கிடைப்பதை விட மேம்பாடானக் கல்வி என்பது அவளது நிலைப்பாடு. குடும்பத்தலைவனுக்கு 80 வயதில் இருக்கும் Alzhiemers (மறதி போன்ற ந
மேலும் படிக்கவும்

சைரன் 4

நமக்கென்று ஒரு குடும்ப மருத்துவரைத் தேர்ந்தெடுத்துவிட்டோம். அவர் சரியில்லை என்பதை எப்படி கண்டுபிடிப்பது என்பது தான் கேள்வி. நான் முந்தையப் பதிவில் சொன்னதுபோல் மூன்று முறை நாம் நமக்கே வாய்ப்பு தரலாம். ஒரு மருத்துவருக்கும் நமக்கும் சரிப்பட்டு வர. அப்படி சரிபட்டு வராவிடில் தாராளமாக நாம் மருத்துவரை மாற்றிக்கொள்ளலாம். ஆக இப்பொழுது ஒரு நோய் உங்களுக்கு வர இருக்கிறது என்றால் ஒரு கார்ப்பரேட் மருத்துவமனையோ ஒரு கன்சல்டன்ட் அதாவது நிபுணத்துவ மருத்துவரை ப் பார்க்க உங்களுக்கு வழி தெரிந்துவிட்டது. உங்கள் குடும்ப மருத்துவர் என்ன பரிந்துரைக்கிறாரோ அதை நாம் செய்து விடலாம். மூன்று முறைக்கு மேல் சரிப்பட்டு வராவிடில் நீங்கள் உங்கள் குடும்ப மருத்துவரை மாற்றிக்கொள்ளலாம். ஆனால் மருத்துவரை அடிக்கடி மாற்றும் பழக்கம் வைத்துக்கொள்ளக்கூடாது. உடலைப் பற்றிய போதிய அறிவும் கவனிப்பும் நமக்கு வேண்டும். நம்ம ஒண்ணும் சிக்ஸ் பேக் லாம் வச்சுக்க வேணாம். நமக்கேத்தமாத்ரி வச்சுக்கிட்டா போதும். நீங்க ஒரு வேலையாள சம்பளத்திற்கு வைத்திருக்கிறீர்கள்னு வச்சுக்குவோம். அவருக்கு நிறைய சம்பளம் தர்றீங்க. ஆனா வேலை கொஞ்சமா தர்வீ
மேலும் படிக்கவும்

விற்பனைப் பிரதிநிதியின் தனிக்குறிப்புகள் 8

  விற்பனைப் பிரதிநிதியின் தனிக்குறிப்புகள் 8 இன்று நண்பர் ஒருவருடன் பேசிக்கொண்டிருக்கும்பொழுது கொரோனா தாக்கத்தால் மருத்துவத்துறையில் முன்னேற்றம் இருக்கிறது என்ற படிக்குப் பேசினார். மருந்துகள் எல்லாம் அதிகளவில் விற்கும் அல்லவா என்றும் கேட்டார். அதற்கான விளக்கத்தையும் என் வேலை எந்த அளவிற்கு ஆகியிருக்கிறது என்பதையும் சொன்னேன். அதன் சாராம்ஸம்... மருத்துவத்துறை சார் நோயும் வைரசும் பரவுவதால் உடனே அதில் மருந்துகளின் விற்பனை கூடுகிறது என்பது மேலோட்டமானக் கருத்து. பெரும் முதலாளிகளின் கம்பெனிகளுக்கு வேண்டுமானால் விற்பனை நடக்கலாம். முறையாய் மருத்துவர்களைப் பார்த்து அதன் மூலம் ஏதாவது ஒரு ஆர்டர் எடுக்கும் நிலையில் இருக்கும் என்னைப் போன்ற குறு கம்பெனிகளின் விற்பனை சரியவில்லை. படுத்தேவிட்டது என்பது தான் உண்மை. உதாரணத்திற்கு, ஒரு மருத்துவரை மாதம் ஒரு முறை பார்த்துக்கொண்டிருப்போம். அவரும், பல நாட்களாக வருகிறான், இவனுக்கு உதவலாம் என்ற மனிதத்துடன் அந்த விற்பனைப்பிரதிநிதியின் மருந்து தரமானத் தயாரிப்பா என்று பரிசோதித்து அவனுக்கு எழுத ஆரம்பிப்பார். இப்படியான விற்பனை நடக்குமளவிற்கு மருத்துவர்களைப் பார்த்து ப
மேலும் படிக்கவும்